निष्पक्ष र विश्वसनीय खबरको सँगालो 
Khabar Punja
२८ कार्तिक २०८१, बिहीबार
दमौली । लागुऔषध मुद्धामा फरार प्रतिवादी एक वर्षपछि पक्राउ परेका छन् । जिल्ला प्रहरी कार्यालय तनहुँले लागुऔषध मुद्धाका फरार प्रतिवादी रुपन्देहीको रोहिणी गाउँपालिका–३ स्थायी घर भएका १९ वर्षीय मन्देश हरिजनलाई पक्राउ गरेको हो ।
निजलाई सम्बन्धित घरवतनबाट पक्राउ गरी आज तनहँु अदालत पेश गरिएको प्रहरी नायब उपरिक्षक मोहनबहादुर खाँणले जानकारी दिए । निजविरुद्ध तनहुँ अदालतले विसं २०७९ पुस ३ गतेको फैसलाले दुई वर्ष कैद र रु एक लाख जरिवाना हुने ठहर गरेको थियो ।
विसं २०७६ साउन २९ गते शुक्लागण्डकी नगरपालिका–६ खैरेनीटारमा ३७ वर्षीय राजन भन्ने राजेन्द्र गुरुङलाई लागुऔषध सहित पक्राउ गरिएकामा उक्त घटनामा मन्देश जोडिएका थिए । निज गुरुङले उक्त लागुऔषध मन्देशलाई मगाएको प्रहरी समक्ष बयान दिएका थिए ।
