निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
दमौली । रोटर्याक्ट क्लव दमौलीले शनिबार आयोजना गरेको २१ औ सचिन स्मृति दौडको उपाधि काठमाडौका अजितकुमार यादवले जितेका छन् ।
व्यास नगरपालिका-३ अनसनचोकदेखि व्यास नगरपालिका-१४ छाब्दीसम्मको ९ किमी दूरी २८ मिनेट १८ सेकेण्डमा पार गर्दै यादवले उपाधि जितेका हुन् ।
प्रतियोगितामा गोरखाका दिनेशसिंह बोगटी द्वितीय भएका छन् । उनले उक्त दूरी २८ मिनेट २९ सेकेण्डमा पूरा गरे । त्यस्तै सिन्धुपाल्चोकका मिङ्मारसिंह तामाङ तृतीय भए । उनले उक्त दूरी २९ मिनेट १८ सेकेण्डमा पूरा गरे । तनहुँका सनम गुरुङले उक्त दूरी २९ मिनेट ४५ पूरी गर्दै सान्त्वना भए ।
प्रतियोगितामा प्रथम, द्वितीय र तृतीय हुनेलाई क्रमश: रु १५ हजार, रु १२ हजार र रु आठ हजार नगद पुरस्कार प्रदान गरिएको क्लवका अध्यक्ष अनुज विमलीले जानकारी दिए ।
क्लवका संस्थापक सचिव सचिन श्रेष्ठको स्मृतिमा क्लवले हरेक वर्ष दौड प्रतियोगिता आयोजना गर्दै आएको छ । क्लवको कार्यक्रममा सहभागी हुन भारतको कलकत्ता जाने क्रममा श्रेष्ठको बस दुर्घटनामा परी मृत्यु भएको थियो ।
