निष्पक्ष र विश्वसनीय खबरको सँगालो 
Khabar Punja
२५ पुष २०८१, शुक्रबार
दमौली । तनहुँमा एक जना कैदीबन्दी कारागारबाटै माध्यमिक शिक्षा परीक्षा (एसइई)मा सहभागी भएका छन् । जिल्ला कारागार तनहुँमा रहेका एक कैदीबन्दीले आजदेखि सुरु भएको परीक्षामा सहभागिता जनाएका हुन् ।
कर्तव्य ज्यान मुद्धामा कारागारमा रहेका उनलाई कारागारभित्रै परीक्षाको व्यवस्था मिलाइएको कारागारका निमित्त प्रमुख नारायणप्रसाद अधिकारीले खबरपुञ्जलाई जानकारी दिए । पोखरास्थित पार्दी माध्यमिक विद्यालयमा भर्ना भएका उनलाई कारागारबाटै परीक्षाको व्यवस्था मिलाइएको हो ।
छ महिना अगाडीदेखि कारागारमा रहेका उनी यसअगाडी बालसुधार गृहमा रहेको अधिकारीले जानकारी दिए । उनले भने, “यसभन्दा अगाडी पोखराकै बालसुधार गृहमा बसेका थिए, छ महिनादेखि कारागारमा छन् । पोखरामा भर्ना भएपनि कारागारमा रहेकाले कारागारभित्रै एउटा कोठामा राखेर उनलाई परीक्षाको व्यवस्था मिलाइएको छ ।”
