निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
दमौली । राष्ट्रपति रामचन्द्र पौडेल तनहुँको देवघाट गाउँपालिका र चितवनको भरतपुर महानगरपालिका जोड्न त्रिशूली नदीमा बनेको पक्की पुलको उद्घाटनका लागि त्यसतर्फ जाँदै छन् । राष्ट्रपति पौडेलले दिउँसो १२:३० बजे पक्की पुलको उद्घाटन गर्ने कार्यक्रम तय भएको छ ।
२१ करोड ६८ लाख ४८ हजारको लागतमा निर्माण भएको पुल तनहुँको देवघाट गाउँपालिका–५ घिनाटार र भरतपुर महानगरपालिका–१ ठिमुरा जोड्ने पुल सञ्चालन भने भइसकेको छ । देवघाट गाउँपालिकाका अध्यक्ष तिलबहादुर थापाले पुलको औपचारिक उद्घाटन गर्न बाँकी भए पनि पुल केही समययता सञ्चालनमा आएको बताए ।
