निष्पक्ष र विश्वसनीय खबरको सँगालो 
Khabar Punja
२२ बैशाख २०८१, शनिबार
दमाैली । नयाँ वर्ष २०८१ को अवसरमा तनहुँको भिमाद नगरपालिका–५ स्थित मिछुर्लुङमा मौलिक खुल्ला कौरा प्रतियोगिता हुने भएको छ ।
मिछुर्लुङ पर्यटन विकास समितिको आयोजनामा वैशाख १ गते मौलिक कौरा प्रतियोगिता हुन लागेको हो । मगर समुदायको लोकप्रिय मौलिक नाच कौराको संरक्षण गरी गाउँ पर्यटन प्रर्बद्धन गर्ने र पर्यटन गतिविधिबाट स्थानीयको आयआर्जनमा अभिवृद्धि गर्ने
उद्धेश्यका साथ प्रतियोगिता आयोजना गर्न लागिएको समितिका अध्यक्ष नरेन्द्र थापाले जानकारी दिए । प्रतियोगितामा प्रथम, द्वितीय, तृतीयले क्रमशः रु ७५ हजार, रु ५० हजार, रु २५ हजार र सान्त्वना दुई समूहले रु दश÷दश हजार नगद पुरस्कार प्राप्त गर्नेछ । समूहमा घटिमा १५ र बढिमा २० जना हुनुपर्ने नियम रहेको छ ।
उक्त कार्यक्रममा लोकदोहोरी गायक राजु परियार र गााियका शिला आलेको सांस्कृतिक कार्यक्रम समावेश गरिएको प्रतियोगिताका सह–संयोजक हर्कबहादुर रानाले जानकारी दिए ।
मगर लाफा भिलेजका साथै मिछुर्लुङ साँस्कृतिक समूहको सह–आयोजनामा हुने उक्त प्रतियोगितामा १५ समूहको सहभागिता रहने अनुमान गरिएको छ । मगर समुदायको कौरा, झ्याउरे, अर्गानिक परिकार मिछुर्लुङको विशेषता हो ।
