दमाैली । दमौलीका युवा अभियान्ता सुदिप गफ्फारले सञ्चालन गर्न लागेको बुल्दी चुँदीखोला वृहत सरसफाई अभियानमा सहयोग जुट्न थालेको छ । उनको अभियानमा साथ दिन सहयोगीदाताहरुले सहयोग प्रदान गर्ने क्रम सुरु भएको छ ।
सुदिपको अभियानका लागि तनहुँ उद्योग वाणिज्य सङ्घका प्रथम उपाध्यक्ष एवं रोयल प्यालेसका सञ्चालक कुमार मल्लले रु १५ हजार नगदका साथै मास्क, पञ्जा लगायत सहयोग गरेका छन् ।
यसैगरी हेमा व्युटी पार्लरका सञ्चालिका शकुन्तला आलेले सुदिपको अभियानका लागि रु पाँच हजार सहयोग गरेकी छन् ।
बुल्दी र चुँदीखोला दिनप्रतिदिन प्रदूषित बन्दै गएकाले खोला स्वच्छ र सफा राख्ने उद्धेश्यसहित वृहत सरसफाई अभियान सञ्चालन गर्न लागिएको गफ्फारले बताए। बुल्दीखोलामा वैशाख २९ गते र चुँदीखोलामा जेठ ५ गते सरसफाई अभियान सञ्चालन गरिनेछ ।
धेरै फोहर सङ्कलन गर्नेमध्ये प्रथम हुनेलाई रु दश हजार र द्वितीय हुनेलाई नगद रु पाँच हजार पुरस्कार प्रदान गरिनेछ ।