निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
दमौली । नेकपा (एमाले) तनहुँको दशौ अधिवेशनमा साढे १५ लाख खर्च भएको छ । गत वैशाख २८ गतेदेखि जेठ १ गतेसम्म सम्पन्न पार्टीको दशौ अधिवेशनमा १५ लाख ६४ हजार नौ सय ८३ खर्च भएको छ ।
पार्टीका लेखा कमिटी अध्यक्ष प्रेमप्रसाद पौडेलका अनुसार खाना तथा आवासमा ११ लाख ९३ हजार ७ सय ९३ खर्च भएको छ । त्यस्तै यातायातमा ७० हजार पॉच सय, हलभाडामा ८७ हजार नौ सय ८५, छपाईमा ९८ हजार आठ सय ६० र प्रचारप्रसारमा एक लाख आठ सय ३० खर्च भएको छ ।
यस्तै आम्दानीतर्फ प्रतिनिधि शुल्कबाट ५६ हजार छ सय, सम्पर्क मञ्चबाट ४१ हजार , लेभीबाट एक लाख ३८ हजार तीन सय ८३ आम्दानी भएको थियो । त्यस्तै बैंकमा ८ लाख ७९ हजार मौज्दात थियो ।
अधिवेशनको आम्दानी खर्च बुधबार आयोजित पहिलो बैठकले सर्वसम्मत पारित गरेको छ ।
