निष्पक्ष र विश्वसनीय खबरको सँगालो 
Khabar Punja
१० मंसिर २०८१, मंगलवार
दमौली । व्यास नगरपालिका-११ मूलपानीस्थित चण्डिका आधारभूत विद्यालयका विद्यार्थीलाई भूपु विद्यार्थीले खेलकुद पोशाक सहयोग गरेका छन् ।
सशस्त्र प्रहरी निरीक्षक समेत रहेका सोही विद्यालयका पूर्व विद्यार्थी बसन्त जिसी, विवेक भट्टराई, विशेक भट्टराई, दिलबहादुर सुयल र सन्तबहादुर खड्काले विद्यालयमा अध्ययनरत ८० विद्यार्थीलाई ८१ हजार बराबरको खेलकुद पोशाक सहयोग गरेका हुन् ।
आफूहरुले अध्ययन गरेको विद्यालयलाई सहयोग गर्न पाउँदा खुसी लागेको सहयोगदाता बसन्त जिसीले बताए ।
कार्यक्रममा वडाध्यक्ष दलबहादुर दुरा, विद्यालयका अध्यक्ष वीरबहादुर खड्का, प्रधानाध्यापक सुरेन्द्रबहादुर अधिकारीले सहयोगप्रति आभार व्यक्त गरे ।
