निष्पक्ष र विश्वसनीय खबरको सँगालो 
Khabar Punja
४ आश्विन २०८१, शनिबार
दमाैली । गणतन्त्र दिवसको अवसरमा बुधबार आयोजित फुटबल प्रतियोगितामा महिला सुरक्षाकर्मीको समूह विजयी भएको छ । व्यास नगरपालिका–३ विपी वनवाटिका खेलमैदानमा भएको खेलमा महिला जनप्रतिनिधिको समूहलाई पराजित गर्दै सुरक्षाकर्मीको समूह प्रथम भएको हो ।
फाइनलमा सुरक्षाकर्मीको समूह २–० ले विजयी भएको थियो । विजयी भएको समूहले बोका पुरस्कार पाएको छ ।
प्रतियोगितामा महिला कर्मचारी, महिला जनप्रतिनिधि र महिला सुरक्षाकर्मीको समूहको सहभागिता थियो ।
विजेतालाई जिल्ला समन्वय समितिका प्रमुख शान्तिरमण वाग्लेले पुरस्कार वितरण गरेका छन् ।
