निष्पक्ष र विश्वसनीय खबरको सँगालो 
Khabar Punja
११ आश्विन २०८१, शनिबार
दमौली । तनहुँको ऑबुखैरेनी गाउँपालिका-४ वेनीटारबाट लागुऔषध सहित दुई जना पक्राउ परेका छन् । धनुषाबाट पोखरा आउँदै गरेको स ६ प २९३७ नम्बरको मोटरसाइकल जॉच गर्दा लागुऔषध सहित दुई जना पक्राउ परेका हुन् ।
पक्राउ पर्नेमा धनुषाको जनकपुरधाम उपमहानगरपालिका-१० का २० वर्षीय सुमित कुमार साह र जनकपुर-१७ का ३० वर्षीय दिपुकुमार यादव रहेको जिल्ला प्रहरी कार्यालय तनहुँले जनाएको छ ।
निजको साथबाट ८८५ पत्ता नाइट्राभेट र २८ थान नाइट्राजेपाम बरामद भएको छ । निजहरु उपर तनहुँ अदालतबाट म्याद थप गरी अनुसन्धान भइरहेको प्रहरी नायब उपरिक्षक दीपककुमार रायले जानकारी दिए ।
