निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
दमाैली । विश्व सङ्गित दिवसका अवसरमा तनहुँका विभिन्न क्षेत्रका पाँच जना सम्मानित भएका छन् । न्यु डे डेस्टिनी सेन्टरले शुक्रबार दमाैलीमा आयाेजना गरेकाे कार्यक्रममा पाँच जनालाई सम्मानित गरिएकाे हाे ।
सम्मानित हुनेहरुमा सञ्चार क्षेत्रबाट खबरपुञ्जका कार्यकारी सम्पादक एवं सञ्चालक कृष्ण न्याैपाने, खेल क्षेत्रबाट बास्केटबल सङ्घका प्रशिक्षक कृष्णकुमार श्रेष्ठ, सामाजिक क्षेत्रबाट युवा अभियान्ता सुदीप गफ्फार, सङ्गीत क्षेत्रबाट गायक नवराज थापा, केवल ओझा र दाैतरी व्याण्ड रहेका छन् ।
आ-आफ्नाे क्षेत्रमा पुर्याएकाे याेगदानकाे कदर गर्दै उनीहरुलाई सम्मान गरिएकाे सेन्टरका अध्यक्ष सुमन श्रेष्ठले जानकारी दिए । तनहुँका प्रमुख जिल्ला अधिकारी जनार्दन गाैतमले उनीहरुलाई सम्मान गरेका थिए ।
व्यास नगरपालिका-३ अनसन चाैतारीमा आयाेजित कार्यक्रममा साङ्गितिक प्रस्तुती समेत राखिएकाे थियाे ।
