निष्पक्ष र विश्वसनीय खबरको सँगालो 
Khabar Punja
१३ असार २०८१, बिहीबार
दमौली । मोहन बतास फाउण्डेशनले आयोजना गरेको तनहुँ डान्स च्याम्पियनको उपाधि जिरो स्टाइलले जितेको छ । दमौलीमा शनिबार सम्पन्न भएको फाइनलमा जिरो स्टाइल प्रथम हुँदै डान्स च्याम्पियनको उपाधि जितेको हो ।
प्रतियोगितामा रामज्योति ग्रुप द्वितीय र इलाइट ग्रुप तृतीय भएको छ । उपाधिसँगै प्रथम भएको जिरो स्टाइलले नगद रु एक लाख प्राप्त गरेको छ । द्वितीय भएको रामज्योतिले रु ५० हजार र तृतीय भएको इलाइटले रु २० हजार नगद प्राप्त गरेको छ ।
प्रतियोगिताको फाइनलमा १५ टोली पुगेका थिए ।
विजेतालाई तनहुँ-१ का सांसद डा. स्वर्णिम वाग्ले, प्रमुख जिल्ला अधिकारी जनार्दन गौतमले पुरस्कार वितरण गरेका थिए ।
प्रतियोगितामा रेनेशा राई, आश्मा वि़श्वकर्मा, दिपेन्द्र शाही ठकुरी लगायतले निर्णायकको भूमिका निभाएका थिए ।
युवायुवतीमा भएको नृत्य प्रतिभा प्रस्फूटन गराउने उद्धेश्यसहित जिल्लामै पहिलो पटक ठूलो राशीको कार्यक्रम गरिएको फाउण्डेशनका संरक्षक मोहन बतासले बताए ।
