निष्पक्ष र विश्वसनीय खबरको सँगालो 
Khabar Punja
२५ मंसिर २०८१, बुधबार
दमौली । युवा अभियान्ता सुदीप गफ्फारको खाना खुवाउने अभियानमा सौन्दर्य व्यवसायी संघ तनहुँले आर्थिक सहयोग गरेको छ ।
जिल्ला प्रशासन कार्यालय तनहुँमा सेवा लिन आउने ज्येष्ठ नागरिकलाई निशुल्क खाना खुवाउँदै आएका गफ्फारको अभियानमा संघले बुधबार १० हजार ५५ सहयोग गरेको हो ।
संघकी अध्यक्ष मन्जु पिया श्रेष्ठले अभियान्ता गफ्फारलाई उक्त रकम हस्तान्तरण गर्दै सामाजिक उत्तरदायित्व अन्तर्गत पवित्र कामका लागि सहयोग गरिएको बताइन् ।
गत जेठ १९ गतेबाट सञ्चालित अभियान अन्तर्गत हालसम्म ६ हजार बढीले निशुल्क खाना खाएका छन् । प्रशासनमा बिहान ५ बजेदेखि आउने सेवाग्राहीलाई खाना खाने समय नमिल्ने भएपछि गफ्फारले यो अभियान सुरु गरेका थिए ।
