निष्पक्ष र विश्वसनीय खबरको सँगालो 
Khabar Punja
१८ मंसिर २०८१, बुधबार
दमाैली । पृथ्वीराजमार्ग अन्तर्गत तनहुँको शुक्लागण्डकी नगरपालिका–७ शेरामा कल्भर्ट बगाएर अवरुद्ध भएको सडक १२ घण्टापछि खुलेको छ । शनिबार दिउँसो ४ बजे वर्षाका कारण फेदीखोलामा आएको बाढीले कल्भर्ट बगाउँदा अवरुद्ध भएको उक्त खण्ड आइतबार बिहान ४ः५५ बजेदेखि सञ्चालनमा आएको हो ।
खोलाले बगाएको ठाउँमा पुनः कल्भर्ट राखेर सवारी साधन सञ्चालन गरिएको जिल्ला ट्राफिक प्रहरी कार्यालय तनहुँका प्रमुख प्रहरी नायब निरीक्षक सन्तोष पौडेलले जानकारी दिए ।
यस्तै म्याग्दे गाउँपालिका–४ मनहरिमा हिलाम्य भएको सडकमा सवारी साधन फस्दा सवारी चाप बढ्ने गरेको छ । वर्षाका कारण सडक हिलाम्य हुँदा सवारी साधन फस्ने समस्याले सवारी चाप बढेको हो । निर्माणाधीन मुग्लिन पोखरा सडक योजना (पश्चिम खण्ड) अन्तर्गत उक्त ठाउँमा सडक कालोपत्रमा ढिलाइ हुँदा वर्षाका बेला यो खण्डमा सवारी साधन सञ्चालनमा समस्या हुँदै आएको छ ।
