निष्पक्ष र विश्वसनीय खबरको सँगालो 
Khabar Punja
१८ श्रावण २०८१, शनिबार
दमौली । बन्दीपुर गाउँपालिका-४ स्थित बन्दीपुर हिलमा साउन महिनाभर ‘शिव महिम्नाहा उत्सव’ हुने भएको छ ।
भगवान शिवजीको भक्ति र महिमा गान गर्ने उद्धेश्य सहित बन्दीपुर हिलमा साउन १ देखि महिनाभर नै शिव महिम्नाहा उत्सव गर्न लागिएको हो ।
त्यसक्रममा प्रत्येक सोमबार बोलबम, मर्स्याङ्दी नदीदेखि सिद्धेश्वर महादेव, तेत्तीसकोटी देवी देवताको दर्शन साथै केबलकारको सवारी गर्न सकिने बन्दीपुर हिलका अध्यक्ष रामचन्द्र शर्माले जानकारी दिए ।
यस्तै प्रत्येक सॉझ आरतीको व्यवस्था समेत मिलाइएको छ ।
बन्दीपुर हिलमा सुविधासम्पन्न रेष्टुरेण्ट, केबलकार, जिप लाइन र साइक्लिङ सञ्चालनमा आइसकेको छ ।
