निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
दमाैली । तनहुँको बन्दीपुर हिलले शनिबारदेखि सुरु हुने नेपाल प्रिमियर लिगको उद्घाटन खेलको नतिजा पूर्वानुमान गरी मिलाउनेलाई बन्दीपुर केबलकारको दश वटा टिकट उपलब्ध गराउने भएको छ ।
शनिबार हुने विराटनगर किङ्ग्स र जनकपुर बोल्टस्बीचको खेलको नतिजा मिलाउनेमध्ये एक जनालाई बन्दीपुर हिलले दश वटा टिकट उपलब्ध गराउने घोषणा गरेको हो ।
नियम अनुसार बन्दीपुर हिलको फेसबुक पेजमा राखिएको उक्त पोष्ट शेयर गर्नुपर्नेछ । खेलको दोस्रो इनिङ अगाडी नै खेलको नतिजा पूर्वानुमान गर्नुपर्नेछ । लक्की ड्र मार्फत् विजेताको घोषणा गरिने बताइएको छ । उक्त टिकट छ महिनासम्म मान्य हुनेछ ।
