निष्पक्ष र विश्वसनीय खबरको सँगालो 
Khabar Punja
१५ माघ २०८१, बुधबार
दमौली। छाङ युवा सञ्जालले ‘प्रेम स्मृति’ कपबाट संकलित रकम स्वर्गीय प्रेमबहादुर गुरुङको परिवारलाई हस्तान्तरण गरेको छ ।
छाङका भलिबल खेलाडी स्वर्गीय गुरूङको स्मृतिमा आयोजित प्रेम स्मृति कपबाट संकलित रु एक लाख ६० हजार निजका परिवारलाई हस्तान्तरण गरिएको सञ्जालका संयोजक गौरवराज रानाले जानकारी दिए ।
स्वर्गीय गुरुङका दुई छोरीको शिक्षाका लागि उक्त रकमले सहयोग गर्ने रानाले बताए । दुई छोरीहरुकै नाममा खाता खोलेर उक्त रकम जम्मा गर्ने योजना छ ।
सञ्जालले गत असोज महिनामा भलिबल प्रतियोगिता आयोजना गरेको थियो । उक्त प्रतियोगिताबाट आम्दानी भएको रकम सहयोग गरिएको हो ।
