निष्पक्ष र विश्वसनीय खबरको सँगालो 
Khabar Punja
१२ पुष २०८१, शनिबार
दमौली । युवा अभियान्ता सुदीप गफ्फारको नेतृत्वमा व्यास नगरपालिका-१० स्थित शिव माध्यमिक विद्यालयमा न्यानो कपडा वितरण गरिएको छ ।
विद्यालयमा अध्ययनरत ३२ जना विद्यार्थीलाई स्वीटर वितरण गरिएको हो । शुक्रबार विद्यालयमा आयोजित कार्यक्रममा पूर्व वडाध्यक्ष तुल्सीराम सापकोटा, वडा सदस्य यज्ञप्रसाद शर्मा लगायतले स्वीटर वितरण गरेका छन् ।
विद्यालय व्यवस्थापन समितिका अध्यक्ष विकास रिजाल, प्रधानाध्यापक चन्द्रमणि कोइरालाले सहयोगप्रति आभार व्यक्त गरे ।
गफ्फारले यसअघि व्यास नगरपालिका र बन्दीपुर गाउँपालिकाका विभिन्न विद्यालयका विपन्न विद्यार्थीलाई सहयोग गरिसकेका छन् ।
