निष्पक्ष र विश्वसनीय खबरको सँगालो 
Khabar Punja
१९ चैत्र २०८१, बिहीबार
दमाैली । तनहुँको शुक्लागण्डकी नगरपालिका–५ बेलचौतारास्थित नेपाल पुलिस स्कूलले साेमबार ४० औं वार्षिकोत्सव मनाएको छ ।
वार्षिकोत्सवका अवसरमा गण्डकी प्रदेश प्रहरी कार्यालयका प्रमुख प्रहरी नायब महानिरीक्षक भोलाबहादुर रावलले विद्यार्थीहरुका लेख रचना तथा विद्यालयको वर्षभरिको गतिविधिहरु सहित वार्षिक रुपमा प्रकाशन गरिने विद्यालयको मुखपत्र ‘दिपन’ स्मारिका विमोचन गरेका छन् ।
कार्यक्रममा शैक्षिक वर्षमा उत्कृष्ट नतिजा हासिल गर्ने विभिन्न तहका विद्यार्थी, उत्कृष्ट कार्य गर्ने प्रहरी कर्मचारी तथा शिक्षकहरुलाई पुरस्कार वितरण गरिएको थियो ।
कार्यक्रममा नेपाल पुलिस स्कूल बेलचौतारा तनहुँका प्राचार्य डिकेन्द्र रायले नेपाल पुलिस स्कुल बेलचौतारा तनहुँले देशको शैक्षिक, खेलकुद र सर्वाङ्गिण विकासमा प्रत्यक्ष अप्रत्यक्ष टेवा पु¥याउँदै आएको बताए।
कार्यक्रममा नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय गगनगौडा कास्कीका प्रमुख प्रहरी उपरीक्षक जनक बहादुर शाही, जिल्ला प्रहरी कार्यालय तनँहुका प्रहरी प्रमुख प्रहरी उपरीक्षक वीरेन्द्रबहादुर शाही, नेपाल प्रहरी विशेष सुरक्षा गण बेलचौतारा तनँहुका प्रमुख प्रहरी उपरीक्षक गजुसिद्धि बज्राचार्य लगायत सहभागी थिए ।
