निष्पक्ष र विश्वसनीय खबरको सँगालो 
Khabar Punja
१९ चैत्र २०८१, बिहीबार
दमौली । नेपाली कांग्रेस तनहुँले ज्येष्ठ राजनीतिक सभाका लागि नौ जनाको नाम सिफारिस गरेको छ । ऋषिङ गाउँपालिकाको रानीपोखरीमा सोमबार सम्पन्न बैठकले पार्टीका केन्द्रीय सभापतिको अध्यक्षतामा गठन हुने उक्त सभाका लागि नौ जनाको नाम सिफारिस गरेको हो।
पार्टीका प्रवक्ता हरि वाग्लेका अनुसार झपटबहादुर केसी, निलबहादुर थापा, जगन्नाथ सुवेदी, लेमबहादुर थापा, बलबहादुर आले, खड्गबहादुर अधिकारी, टीकाराम अधिकारी, राजकुमार श्रेष्ठ, र बाबुराम पौडेलको नाम सिफारिस गरिएको छ ।
बैठकमा केन्द्रबाट प्राप्त पत्र उल्लेख भएका विषयहरु जानकारी गराइएको थियो । त्यस्तै नेपाल महिलासंघको अधिवेशन लगायतका विषयमा महिला संघकी सचिव कल्पना पोखरेल र ट्रेड युनियन कांग्रेसका अध्यक्ष कृष्ण केसीले ट्रेड युनियनका बारेमा, स्ववियु निर्वाचन सम्वन्धमा नेविसंघ तनहुँका अध्यक्ष आशिष कैनीद्वारा जानकारी सहित पार्टीसँग आवश्य सुझाव माग गरेका थिए।
