निष्पक्ष र विश्वसनीय खबरको सँगालो 
Khabar Punja
२० चैत्र २०८१, शुक्रबार
दमाैली । तनहुँमा लागुऔषध सहित दुई जना पक्राउ परेका छन् । आँबुखैरेनी-४ बेनीटारबाट मङ्गलबार लागुऔषध सहित दुई जना पक्राउ परेका हुन् ।
मुग्लिन तर्फबाट आँबुखैरेनी तर्फ आउदै गरेको बा.२ ख. १४३९ नं.को हाईस माईक्रोलाई रोकी जाँच गर्ने क्रममा संकास्पद अवस्थामा रहेका जिल्ला लम्जुङ मर्स्याङ्दी गाउँपालिका वडा नं. ३ भुलभुले बस्ने बर्ष ३० को श्याम कुमार तामाङलाई लागुऔषध सहित पक्राउ गरिएकाे प्रहरी निरीक्षक राजु अधिकारीले जानकारी दिए । प्रहरीले निजकाे साथबाट ट्रामाडाेल नाै सय थान बरामद गरेकाे छ ।
यस्तै बेनीटारबाट लागुऔषध सहित लमजुङकाे मध्यनेपाल नगरपालिका-६ भाेर्लेटार बस्न २४ वर्षीय नरेश क्षेत्री पक्राउ परेका छन् । मुग्लिन तर्फबाट आँबुखैरेनी तर्फ आउदै गरेको ना.५ ख.३९१२
नं.को यात्रु वाहक बसलाई रोकी चेकजाँच गर्ने क्रममा शंकास्पद अवस्थामा रहेका निजलाई २९८ ट्याब्लेट नाइट्राफास्ट सहित पक्राउ गरिएकाे प्रहरीले जनाएकाे छ ।
