दोस्रो म्याग्दे अध्यक्ष कप : म्याग्दे र शुक्लागण्डकी विजयी
× गृहपृष्ठ तनहुँ विशेष गण्डकी प्रदेश प्रदेश देश राजनीति आर्थिक स्वास्थ्य विचार सुचना प्रविधि मनोरञ्जन खेलकुद सम्पादकीय फोटो पुञ्ज युनिकोड
  • खेलकुद

    दोस्रो म्याग्दे अध्यक्ष कप : म्याग्दे र शुक्लागण्डकी विजयी

    खबरपुञ्ज संवाददाता

    १७ फाल्गुन २०८१, आईतवार

    दमाैली । तनहुँको म्याग्दे गाउँपालिकाको आयोजनामा जारी दोस्रो अध्यक्ष कप गण्डकी प्रदेशस्तरीय फुटबल प्रतियोगिताको तेस्रो दिन भएका खेलमा तनहुँको म्याग्दे गाउँपालिका र शुक्लागण्डकी नगरपालिका विजयी भएको छ ।

    म्याग्दे गाउँपालिका–५ छाङपाटनस्थित खेलमैदानमा जारी खेलमा म्याग्दे र कास्कीको रुपा गाउँपालिकाबीच खेल हुनेमा रुपा अनुपस्थित भएपछि म्याग्दे सेमिफाइनल प्रवेश गरेको छ ।

    त्यस्तै दोस्रो खेल तनहुँको शुक्लागण्डकी नगरपालिका र ऋषिङ गाउँपालिकाबीच भएकामा शुक्लागण्डकी विजयी भएको म्याग्दे गाउँपालिकाका शिक्षा, युवा तथा खेलकुद शाखा प्रमुख विष्णु केसीले जानकारी दिए।

    प्रतियोगितामा कास्कीको अन्नपूर्ण र रुपा गाउँपालिका, लमजुङको दोर्दी गाउँपालिका, तनहुँको व्यास नगरपालिका, शुक्लागण्डकी नगरपालिका, भिमाद नगरपालिका, भानु नगरपालिका, देवघाट गाउँपालिका, ऋषिङ गाउँपालिका, बन्दीपुर गाउँपालिका र म्याग्दे गाउँपालिकाको सहभागिता रहेको छ ।

    प्रतियोगितामा विजेताले रु तीन लाख र उपविजेताले रु एक लाख ५० हजार नगद पुरस्कार प्राप्त गर्नेछन् भने सेमिफाइनलमा पुग्ने दुई टिमलाई जनही रु १५ हजार प्रदान गरिनेछ ।

    त्यस्तै उत्कृष्ट खेलाडीलाई रु दश हजार, सर्वाधिक गोलकर्ता, उत्कृष्ट मिडफिडर, उत्कृष्ट डिफेन्डर, उत्कृष्ट गोलरक्षक र उत्कृष्ट प्रशिक्षकलाई जनही रु पाँच हजार प्रदान गरिने केसीले जानकारी दिए ।

    तस्बिर : लमजुङ स्पाेर्ट्स