निष्पक्ष र विश्वसनीय खबरको सँगालो 
Khabar Punja
१९ चैत्र २०८१, बिहीबार
दमौली, १७ चैत । नेपाल शिक्षक महासंघ बन्दीपुरको अध्यक्षमा भीम रानाभाट चयन भएका छन् । बन्दीपुरमा आइतबार सम्पन्न महासंघको प्रथम अधिवेशनबाट रानाभाटको अध्यक्षतामा नयॉ समिति घोषणा गरिएको छ ।
जसको सहअध्यक्षमा सन्तोष पण्डित, उपाध्यक्षमा प्रदीप जिसी, सचिवमा दामोदर पोख्रेल, सहसचिवमा सपना श्रेष्ठ, महिला सहसचिवमा विष्णुमाया गुरुङ र सदस्यहरुमा दिनेश भट्टराई, कृष्णप्रसाद पाण्डे, रुद्र थापा, लक्ष्मण पोख्रेल, रेशम थापा, नरशोभा पौडेल, वीरेन्द्र केसी, शुक्ला घिमिरे र कल्पना पौडेल चयन भएका छन् ।
बन्दीपुर गाउँपालिकाका अध्यक्ष सुरेन्द्र थापाको प्रमुख आतिथ्यता र नेपाल शिक्षक संघ बन्दीपुरका अध्यक्ष इश्वरबहादुर थापाको अध्यक्षतामा कार्यक्रम भएको थियो ।
महासंघ गठन प्रक्रियाका लागि फोकल पर्सन तथा संयोजकको रुपमा नेपाल शिक्षक महासंघ तनहुँका सचिव विजय आचार्य रहेका थिए । कार्यक्रममा नेपाल शिक्षक संघ जिल्ला अध्यक्ष रमेशबावु भट्टराई, नेपाल राष्ट्रिय शिक्षक संगठनका जिल्ला अध्यक्ष बाबुराम रानाभाट उपस्थित थिए ।
