निष्पक्ष र विश्वसनीय खबरको सँगालो 
Khabar Punja
२ बैशाख २०८२, बुधबार
दमौली, २७ चैत । ऑबुखैरेनी गाउँपालिकाका अध्यक्ष शुक्र चुमानले शिक्षा ऐन जारी गरी आन्दोलनरत शिक्षकलाई कार्यस्थलमा फर्किने वातावरण बनाउन सरकारसँग आग्रह गरेका छन् ।
चुमानले बुधबार प्रेस विज्ञप्ती जारी गरी शिक्षक तथा कर्मचारीका संविधान सम्मत् मागहरुलाई सम्बोधन गरी विद्यालय शिक्षा सम्बन्धी संवैधानिक प्रावधान र सरकारले गरेका सम्झौता एवं प्रतिबद्धताहरुलाई कार्यान्वयन गर्दै समयानुकूल र बालबालिकाको हित अनुकूल हुने गरी विद्यालय शिक्षा ऐन जारी गरी शिक्षक तथा कर्मचारीलाई उच्च मनोबलका साथ आफ्नो कर्मथलो फर्कने उचित वातावरण निर्माण गर्न माग गरेका हुन् ।
शिक्षकहरु आन्दोलनमा उत्रिदा गाउँपालिकाका विद्यालयहरुमा शैक्षिक शत्र २०८२ का भर्ना अभियान लगायतका शैक्षिक गतिविधि तथा पठन-पाठनका कार्यहरु प्रभावित भएको बताउँदै उनको भनाइ छ ।
