निष्पक्ष र विश्वसनीय खबरको सँगालो 
Khabar Punja
८ बैशाख २०८२, मंगलवार
काठमाडौं, २ वैशाख । सत्तारुढ दल नेकपा एमालेका महासचिव शंकर पोखरेलले आजबाट सरकार परिवर्तनको हल्ला अन्त्य भएको बताएका छन् । सामाजिक सञ्जालमार्फत् उनले नयाँ वर्षको सुरुवातसँग सुरु भएको सरकार परिवर्तनको हल्ला आजबाटै अन्त्य भएको बताएका हुन् ।
साथै, उनले नीति, कार्यक्रम र बजेटको तयारीका सन्दर्भमा छलफलमा सहभागी हुन पनि आह्वान गरेका छन् ।
नयाँ वर्ष आरम्भसँगै सुरु भएको सरकार परिवर्तनको हल्ला आजबाट अन्त्य भएको छ । अब पुनः नीति, कार्यक्रम र बजेटको तयारीका सन्दर्भमा छलफलमा सहभागी बनौं,’ उनले भनेका छन् ।
साथै, उनले स्वास्थ्य क्षेत्रका मुख्य समस्या र सुधारका विषयहरू पनि बुँदागत रुपमा प्रस्तुत गरेका छन् ।
नयाँ वर्ष आरम्भसँगै सुरु भएको सरकार परिवर्तनको हल्ला आजबाट अन्त्य भएको छ । अब पुनः नीति, कार्यक्रम र बजेटको तयारीका सन्दर्भमा छलफलमा सहभागी बनौं,’ उनले भनेका छन् ।
साथै, उनले स्वास्थ्य क्षेत्रका मुख्य समस्या र सुधारका विषयहरू पनि बुँदागत रुपमा प्रस्तुत गरेका छन् ।
स्वास्थ क्षेत्रका मुख्य समस्याः
१) स्वास्थ पूर्वाधार अभाव तथा जनशक्तिको अभाव र असमान वितरण
२) स्वास्थ विमा कार्यक्रम कार्यान्वयनमा गम्भीर समस्या
३) निरोगी नेपालको अवधारणा कार्यान्वयनमा चुनौती
स्वास्थ क्षेत्रको सुधारका मुख्य विषय
१) योजना अनुरुप पूर्वाधार विकास र सुदृढिकरण
२) स्वास्थ क्षेत्रका लागि आवश्यक जनशक्तिको विकास र सन्तुलित वितरण (ग्रामिण क्षेत्रमा काम गर्ने जनशक्तिलाई विशेष प्रोत्साहन)
३) स्वास्थ विमाको प्रभावकारी कार्यान्वयन (यसमा सबै अनुदानलाई विमा कार्यक्रमसंग जोडेर विमाको दायराको विस्तार । गरिव र जेष्ठ नागरिकलाई निशुल्क बीमाको सुनिश्चितता)
४) सूचना प्रविधिको प्रयोगद्वारा ग्रामिण क्षेत्रमा टेलिमेडिसिनको विस्तार
५) निरोगी नेपाल निर्माणका लागि स्वास्थ शिक्षा र स्वच्छ आहार विहारको प्रवर्द्धन
