निष्पक्ष र विश्वसनीय खबरको सँगालो 
Khabar Punja
१९ बैशाख २०८२, शनिबार
दमौली, ५ वैशाख । बन्दीपुर अस्पतालको फार्मेसी सेवा २४ सै घण्टा सञ्चालन हुने भएको छ । अस्पतालको सेवा सुधार गर्ने अभियान अन्तर्गत चैत २५ गतेदेखि फार्मेसी, काउण्टर, बिलिङ र औषधि वितरण २४ सै घण्टा खुल्ला गरिएको हो ।
हालैमात्र अस्पतालको प्रमुखको रुपमा आएका डा. अनिल गिरीले अस्पताल सुधारको अभियान अगाडी बढाएका छन् । यसअघि विभिन्न अस्पतालमा कार्यरत रहँदा त्यहॉका अस्पताल सुधारमा उनले प्रशंसा कमाएका थिए ।
अस्पतालले नयॉ वर्षदेखि नै बहिरङ्ग (ओपिडी) सेवा विस्तार गरेको छ । अब बिहान ७ बजेदेखि बेलुकी ८ बजेसम्म निःशुल्क ओपिडी सेवा सञ्चालन हुने डा. गिरीले जानकारी दिए । बन्दीपुर गाउँपालिकाको चैत ३० गतेको निर्णय अनुसार अस्पतालमा शनिबार र सार्वजनिक बिदाका दिनमा समेत निःशुल्क ओपिडी सेवा सञ्चालन हुने गिरीले जानकारी दिए ।
नेपाल सरकारको आर्थिक वर्ष २०८०÷८१ को वार्षिक नीति तथा कार्यक्रम अनुसार बहिरङ्ग सेवा बिहान ८ बजेदेखि बेलुकी ८ बजेसम्म अनिवार्य सञ्चालन हुने व्यवस्था बमोजिम अस्पतालमा समेत सेवा विस्तार गरिएको अस्पताल व्यवस्थापन समितिका अध्यक्ष एवं बन्दीपुर गाउँपालिकाका अध्यक्ष सुरेन्द्र थापाले जानकारी दिए ।
