निष्पक्ष र विश्वसनीय खबरको सँगालो 
Khabar Punja
२ असार २०८२, मंगलवार
चितवन, ९ जेठ । चितवनमा बस र इभी कार ठोक्किदा एक जनाको मृत्यु भएको छ । आज (शुक्रबार) बिहान १ः४५ बजेको समयमा खैरहनी नगरपालिका–२ ज्यामिरे चोकस्थित पूर्वपश्चिम राजमार्गमा उदयपुरबाट काठमाडौंतर्फ जाँदै गरेको बागमती प्रदेश ०१–००६ ख ७०२३ नम्वरको बस र विपरित दिशाबाट आउँदै गरेको बागमती प्रदेश ०१–०३० च ११५७ नम्वरको कार एक आपसमा ठाक्कर खाएका थिए ।
सो ठक्करबाट कार चालक खैरहनी नगरपालिका ८ बस्ने ४२ वर्षिय प्रदिप तिमिल्सिना गम्भिर घाइते भएका थिए । उनको उपचारका लागि चितवन मेडिकल कलेजमा ल्याइएकोमा बिहान ३ः०५ बजेको समयमा चिकित्सकले मृत घोषणा गरेको जिल्ला प्रहरी कार्यालय चितवनका प्रवक्ता रवीन्द्र खनालले जानकारी दिए । बस र बसका चालकलाई प्रहरीले नियन्त्रणमा लिएको छ ।
तस्बिरः चितवन प्रहरी
