निष्पक्ष र विश्वसनीय खबरको सँगालो 
Khabar Punja
२९ जेष्ठ २०८२, बिहीबार
दमौली, १८ जेठ । अभद्र व्यवहार मुद्धामा कैद र जरिवाना तोकिएका दुई जनालाई जिल्ला प्रहरी कार्यालय तनहुँले पक्राउ गरेको छ।
जिल्ला अदालत तनहुँको मिति २०८१ साउन २१ गतेको फैसलाले अभद्र व्यवहार मुद्धामा कैद र जरिवाना तोकी फरार रहेका दुई जनालाई प्रहरीले आइतबार व्यास-२ भोर्लेटारचोकबाट पक्राउ गरेको हो।
पक्राउ पर्नेमा व्यास-१० बस्ने २३ वर्षीय मनोज सुनार र व्यास-१ बस्ने २५ वर्षीय रमेश कुमाल रहेको जिल्ला प्रहरी कार्यालयका प्रहरी नायब उपरिक्षक अशोक थापाले जानकारी दिए ।
पक्राउ परेकामध्ये सुनारलाई एक महिना १५ दिन कैद र सात हजार जरिवाना तोकिएको थियो । निज जरिवाना तिरी कैद भुक्तानका लागि कारागार चलान भएका छन् ।
यस्तै कुमाल भने पॉच हजार जरिवाना तिरेर रिहा भएका छन् ।
