निष्पक्ष र विश्वसनीय खबरको सँगालो 
Khabar Punja
१ माघ २०८२, बिहीबार
दमौली, ३१ असार । तनहुँको भिमाद नगरपालिका-३ स्थित बुढुवा खोलामा एक महिनामै ट्रस पुल निर्माण भएको छ । यस ठाउँमा पुल नहुँदा स्थानीयवासीलाई खोला बढेको समयमा आवतजावतमा समस्या हुँदै आएको थियो ।
वडा कार्यालयको रु ४० लाखको लागतमा २८ मिटर लम्बाइ भएको ट्रस निर्माण भएको हो । छोटो समयमै काम सम्पन्न गरेर पुल सञ्चालनमा ल्याइएको भिमाद नगरपालिका-३ का वडाध्यक्ष पदम सेन ठकुरीले जानकारी दिए । सुनसरीस्थित आस्था निर्माण सेवाले पुल निर्माण गरेको हो ।
वडाध्यक्ष ठकुरीले भने, ‘अन्तत वडा नम्बर ३ वासीकाे सपना साकार भयो, बुढुवाखोलाको सास्तीबाट अबदेखि मुक्त भइयो ।’ वडा कार्यालय नजिकै रहेको यो पुल निर्माण पश्चात् सर्वसाधारणलाई सहज हुने उनको भनाइ छ ।
यहॉ पुल नहुँदा बुढुवा खोला उर्लिदा वारपार गर्न समस्या हुन्थ्यो । हिउँदमा समस्या नभएपनि बर्खामा यहॉबाट वारपार गर्न मुस्किल रहेपछि वडा कार्यालयकै पहलमा पुल निर्माण गरिएको उनको भनाइ छ ।
