निष्पक्ष र विश्वसनीय खबरको सँगालो 
Khabar Punja
५ माघ २०८२, सोमबार
दमाैली, १ असाेज । तनहुँको व्यास नगरपालिका–५ कन्टारमा सोमबार घाइते अवस्थामा भेटिएका एक व्यक्तिको पहिचान नखुल्दा समस्या भएको छ । कन्टारस्थित सडक छेउमा घाइते अवस्थामा भेटिएका अन्दाजी ३५÷४० वर्षीय व्यक्तिको पहिचान नखुलेको जिल्ला प्रहरी कार्यालय तनहुँले जनाएको छ ।
घाइतेलाई प्रदेश अस्पतालमा प्राथमिक उपचार पश्चात् मङ्गलबार पोखरा स्वास्थ्य विज्ञान प्रतिष्ठानमा पठाइएको छ । हाल उनको भेन्टिलेटर कक्षमा उपचार भइरहेको जिल्ला प्रहरी कार्यालय तनहुँका प्रहरी नायब उपरिक्षक अशोक थापाले जानकारी दिए । निजको अवस्था हालसम्म पनि गम्भीर रहेको र बोल्न नसक्ने रहेको उनले बताए ।
निजको बायाँ आँखीभौमाथि र बायाँ गाला र दाहिने कन्चटमा चोट रहेको छ । निजका आफन्त हालसम्म पनि सम्पर्कमा नआएको प्रहरीले जनाएको छ ।
