निष्पक्ष र विश्वसनीय खबरको सँगालो 
Khabar Punja
१९ मंसिर २०८२, शुक्रबार
दमाैली, १३ असाेज । तनहुँको भानु नगरपालिका–१२ स्थित अर्चले युवा क्लवले दसैंको अवसरमा आयोजना गरेको अर्चले खेलकुद उत्सव अन्तर्गत भलिबलको उपाधि भानु नगरपालिका–१ भन्सार युवा परिवारले जितेको छ । साेमबार सम्पन्न फाइनल खेलमा भानु नगरपालिका–१० राइपालीभञ्ज्याङ युवा क्लवलाई पराजित गर्दै भन्सारले भलिबलको उपाधि जितेको हो ।
उपाधिसँगै भन्सारले नगद रु ५० हजार, कप, मेडल र प्रमाणपत्र प्राप्त गरेको छ भने उपविजेता राइपालीभञ्ज्याङले नगद रु २५ हजार, मेडल र प्रमाणपत्र प्राप्त गरेको क्लवका अध्यक्ष कृष्ण गुरुङले जानकारी दिए ।
युवाहरुबीच आपसी सद्भाव, समन्वय, सहकार्य र पारस्परिक एकताको भावना विकास गर्न क्लवले खेलकुद उत्सव आयोजना गरेको गुरुङले बताए ।
खेलकुत उत्सव अन्तर्गत खुल्ला भलिबल, ३५ वर्षमाथिको पुरुष फुटबल, सुस्त मोटरसाइकल दौड, खुल्ला छेलो प्रतियोगिता, बेलुन फुटाउने प्रतियोगिता, मेच घुमाइ र घैटो फुटाउने प्रतियोगिता आयोजना गरिएको थियो ।
