निष्पक्ष र विश्वसनीय खबरको सँगालो 
Khabar Punja
१७ पुष २०८२, शुक्रबार
दमाैली, २९ असाेज । यहाँको व्यास नगरपालिकाले नगर क्षेत्रभित्र प्लाष्टिकजन्य मालामा निषेध गरेको छ । नगरपालिकाले नगरलाई वातावरणमैत्री बनाउन प्लाष्टिकजन्य माला निषेध गरेको हो ।
नजिकिदै गरेको तिहारको अवसरमा प्लाष्टिकजन्य फूल तथा कृत्रिम माला प्रयोग नगर्न अनुरोध गरिएको प्रमुख प्रशासकीय अधिकृत सुकदेव लम्सालले जानकारी दिए । निषेधित प्लाष्टिकजन्य वस्तुहरु प्रयोग भएको पाइए नियमानुसारको दण्ड, जरिवाना तथा सजाय हुने लम्सालले बताए ।
नगरलाई स्वच्छ, स्वस्थ र वातावरणमैत्री बनाउने अभियान अन्तर्गत नगर कार्यपालिकाको गत २४ गते बसेको बैठकले प्लाष्टिकजन्य फूल तथा कृत्रिम माला प्रयोग नगर्ने, नगराउने निर्णय गरेको छ ।
