निष्पक्ष र विश्वसनीय खबरको सँगालो 
Khabar Punja
२२ मंसिर २०८२, सोमबार
दमाैली, ३० असाेज । म्याग्दे गाउँपालिका–२ जामुनेस्थित राधा माध्यमिक विद्यालयको व्यवस्थापन समितिको अध्यक्षमा सन्दिप रानाभाट चयन भएका छन् । बिहीबार भएको बैठकले रानाभाटको अध्यक्षतामा नयाँ कार्यसमिति सर्वसम्मत चयन गरेको छ ।
समितिको सदस्यहरुमा विनोद विश्वकर्मा, पवित्रा नेपाली, रश्मिला रानाभाट, नरेशचन्द्र अधिकारी (जग्गादाता), कृष्णमाया श्रेष्ठ (चन्दादाता) चयन भएका छन् ।
गत असोज २५ गतेको भेलाले चार जना सर्वसम्मत भएका थिए भने बिहीबार वडाध्यक्षसहितको बैठकले दुई जना सदस्य मनोनित गरेको हो । समितिको सदस्य सचिवमा प्रधानाध्यापक अशोकचन्द्र वाग्ले रहेका छन् ।
म्याग्दे गाउँपालिकाको नमूना विद्यालय राधा माविमा सात सय विद्यार्थी अध्ययनरत छन् । अध्यक्षमा चयन भएका रानाभाट शिक्षक अभिभावक सङ्घका निवर्तमान अध्यक्ष हुन् ।
विभिन्न सामाजिक काममा सक्रिय रानाभाट न्यु भिजन युवा क्लवको पूर्व अध्यक्ष समेत हुन् । क्लवको अध्यक्ष हुँदा रानाभाटको नेतृत्वमा समाजमा रहेका विकृति विसङ्गति न्यूनीकरणका लागि सकारात्मक कामहरु गरिएको थियो ।
विद्यालयको अध्यक्षमा चयन भएका रानाभाटले विद्यालयको शिक्षाको गुणस्तर सुधारका लागि सबै पक्षसँग सहकार्य गरेर काम गर्ने बताए ।
