निष्पक्ष र विश्वसनीय खबरको सँगालो 
Khabar Punja
३ पुष २०८२, शुक्रबार
दमौली, ४ पुस । तनहुँको आँबुखैरेनी गाउँपालिका–४ बेनीटारबाट कटुवा पेस्तोल सहित शुक्रबार एक युवा पक्राउ परेका छन् । पक्राउ पर्नेमा बाराको सुवर्ण गाउँपालिका–१ बस्ने १९ वर्षीय ओमबाबु प्रसाद यादव रहेको जिल्ला प्रहरी कार्यालय तनहुँले जनाएको छ ।
अस्थायी प्रहरी पोष्ट मुग्लिन पुलजीपबाट खटिएको प्रहरी टोलीले सवारी साधन जाँच गर्ने क्रममा कलैयाबाट पोखरातर्फ आउँदै गरेको ग २ ख २७५नम्बरको बसमा सवार निजलाई एक थान कटुवा पेस्तोल सहित पक्राउ गरेको जिल्ला प्रहरी कार्यालय तनहुँका प्रहरी नायब उपरिक्षक श्रवणकुमार विकले जानकारी दिए ।
निजलाई नियन्त्रणमा लिइ आँबुखैरेनी इलाका प्रहरी कार्यालयमा राखिएको र घटनाबारे अनुसन्धान भइरहेको विकले बताए ।
