निष्पक्ष र विश्वसनीय खबरको सँगालो 
Khabar Punja
२ माघ २०८२, शुक्रबार
दमौली, २७ पुस । लोकप्रिय अभिनेता नायक पल शाहलाई ठकुरी समाज तनहुँले बाजागाजासहित भव्य स्वागत एवं सम्मान गरेको छ।
ठकुरी समाज तनहुँकी अध्यक्ष गीता मल्ल ठकुरीको अध्यक्षतामा आयोजित कार्यक्रममा समाजका पदाधिकारी, सदस्यहरू तथा स्थानीयको उल्लेखनीय उपस्थिति रहेको थियो। कार्यक्रममा नायक शाहलाई समाजको तर्फबाट सम्मान गरिएकाे थियाे ।
कार्यक्रममा बोल्दै अध्यक्ष गीता मल्ल ठकुरीले नायक पल शाहले नेपाली चलचित्र क्षेत्रमा पुर्याएको योगदानको प्रशंसा गर्दै यस्ता स्रष्टालाई सम्मान गर्नु समाजको कर्तव्य भएको बताइन्।
सम्मान ग्रहणपछि नायक पल शाहले ठकुरी समाज तनहुँप्रति आभार व्यक्त गर्दै तनहुँसँग आफ्नो विशेष आत्मीय सम्बन्ध रहेको बताए।
