निष्पक्ष र विश्वसनीय खबरको सँगालो 
Khabar Punja
२८ बैशाख २०८३, मंगलवार
दमौली, १९ माघ । आगामी फागुन २१ गते हुने प्रतिनिधिसभा सदस्य निर्वाचनका लागि तनहुँमा अस्थायी मतदाताको विवरण सङ्कलन थालिएको छ । जिल्ला निर्वाचन कार्यालय तनहुँले अस्थायी मतदाताको विवरण सङ्कन सुरु गरेको कार्यालय प्रमुख विकास लम्सालले जानकारी दिए।
अस्थायी मतदाताका रुपमा जिल्लास्थित सरकारी कर्मचारी, सुरक्षाकर्मी, कैदीबन्दी रहनेछन् । अस्थायी मतदाताका लागि समानुपातिकमा मत हाल्ने व्यवस्था मिलाइने लम्सालले बताए।
लम्सालले भने, “मतदाता नामावलीमा नाम भएका कैदीबन्दी र कर्मचारी तथा सुरक्षा निकायका कर्मचारीले अस्थायी मतदान केन्द्रबाट समानुपातिकतर्फ मतदान गर्न पाउनेछन् ।”
निर्वाचनका लागि उम्मेदवार घरदैलोमा व्यस्त रहँदा कार्यालयले आन्तरिक कामहरुलाई तीव्रता दिएको छ । मुख्य निर्वाचन अधिकृतको कार्यालयले सरोकारवालासँग आचारसंहिता र सुरक्षा व्यवस्थाबारे छलफल गरिसकेको छ ।
