निष्पक्ष र विश्वसनीय खबरको सँगालो 
Khabar Punja
१३ फाल्गुन २०८२, बिहीबार
दमौली, १३ फागुन । प्रतिनिधि सभा निर्वाचनअन्तर्गत तनहुँ क्षेत्र नम्बर १ का लागि नेपाल कम्युनिष्ट पार्टी (एमाले)का उम्मेदवार भगवती न्यौपाने बुधबार राष्ट्रिय स्वतन्त्र पार्टी तनहुँको पार्टी कार्यालयमा पुगेर मत मागेकी छिन् ।
निर्वाचन नजिकिँदै जाँदा उम्मेदवारहरूबीच भेटघाट तथा संवादलाई तीव्र बनाइएको छ। सोही क्रममा न्यौपाने रास्वपा तनहुँ कार्यालय पुगेर त्यहाँ उपस्थित नेता–कार्यकर्ता तथा समर्थकहरूसँग भेटघाट गरेकी थिइन् । उनले लोकतान्त्रिक प्रतिस्पर्धामा सबैसँग सहकार्य र सम्मान आवश्यक रहेको उल्लेख गर्दै विकास र समृद्धिका एजेन्डामा समर्थन गर्न आग्रह गरेकी छिन् ।
पार्टीगत प्रतिस्पर्धाबीच पनि आपसी सद्भाव र संवादको सन्देश दिन आफू विभिन्न दलका कार्यालयमा पुगिरहेको न्यौपानेको भनाइ छ।
