निष्पक्ष र विश्वसनीय खबरको सँगालो 
Khabar Punja
८ बैशाख २०८३, बुधबार
दमौली, २ वैशाख । व्यास नगरपालिकाको नगर शिक्षा समितिको बैठकले नगरभित्रका विद्यालयमा वैशाख ३ गतेदेखि भर्ना अभियान सुरु गर्ने निर्णय गरेको छ।
नगर प्रमुख वैकुण्ठ न्यौपानेको अध्यक्षतामा बुधबार सम्पन्न बैठकले वैशाख ७ गतेदेखि अध्यापन सुरु गर्ने समेत निर्णय गरेको छ ।
यस्तै, संघीय सरकारले तोकेका कार्यक्रमहरू सहित विशेष भर्ना अभियान वैशाख १५ भित्र सम्पन्न गर्ने निर्णय गरिएको छ ।
सामुदायिक तथा संस्थागत विद्यालयहरूमा छात्रवृत्ति वितरण र शुल्क व्यवस्थापनबारे अध्ययन गर्न नगर शिक्षा अधिकारीको संयोजकत्वमा पाँच सदस्यीय समिति गठन गरिएको छ ।
त्यसैगरी, पाठ्यक्रम विकास केन्द्रबाट स्वीकृत पाठ्यपुस्तकहरू मात्र प्रयोग गर्नुपर्ने, अध्यापन गराइने पुस्तकहरूको सूची सार्वजनिक गर्नुपर्ने तथा विद्यालयहरूले स्टेशनरी सामग्री छपाई तथा बिक्री नगर्न निर्देशन दिने निर्णय पनि बैठकले गरेको छ।
