निष्पक्ष र विश्वसनीय खबरको सँगालो 
Khabar Punja
२४ जेष्ठ २०८३, सोमबार
दमौली, २५ जेठ ।तनहुँ जिल्लाको राजमार्ग क्षेत्रमा पछिल्लो २४ घण्टामा एक सवारी दुर्घटना भएको छ।
जिल्ला प्रहरी कार्यालय तनहुँका अनुसार जेठ २४ गते बिहान ६ बजेदेखि जेठ २५ गते बिहान ६ बजेसम्मको अवधिमा १ वटा सवारी दुर्घटना भएको हो। दुर्घटनामा २ जना घाइते भएका छन्, जसमध्ये १ जनाको अवस्था सामान्य र १ जनाको अवस्था गम्भीर रहेको छ।
घाइतेमध्ये १ जना उपचारपछि डिस्चार्ज भएका छन् भने अर्का १ जनाको उपचार भइरहेको प्रहरीले जनाएको छ।
दुर्घटनामा संलग्न २ वटा सवारी साधनमा क्षति पुगेको छ। क्षतिग्रस्त सवारी साधनमध्ये १ वटा टिप्परमा सामान्य क्षति पुगेको छ भने १ वटा मोटरसाइकल पूर्ण रूपमा क्षतिग्रस्त भएको छ।
सडक दुर्घटना न्यूनीकरणका लागि सवारी चालक तथा यात्रुलाई ट्राफिक नियमको पूर्ण पालना गर्न प्रहरीले आग्रह गरेको छ।
