निष्पक्ष र विश्वसनीय खबरको सँगालो 
Khabar Punja
२२ भाद्र २०८३, मंगलवार
तनहुँ, २२ भदौ ।तनहुँ क्षेत्र नम्बर २ का सांसद श्रीराम न्यौपानेले त्रिशूली–३ ‘ए’ मा उद्धार कार्यका क्रममा बिताएको पहिलो साँझ आफ्नो जीवनकै सबैभन्दा अविस्मरणीय र हृदयमा अंकित क्षण बनेको बताएका छन्।
झमझम पानी परिरहेका बेला उद्धारका लागि ड्रिलिङ कार्य जारी रहँदा अत्यधिक थकान र चिसोबाट बच्न शव राख्ने जिपर ब्यागभित्र करिब दुई घण्टा सुतेको क्षण आफूले कहिल्यै बिर्सन नसक्ने उनले स्मरण गरेका छन्।
त्यसैगरी कठिन परिस्थितिबीच सञ्जय साह र कविर महर्जनको सफल उद्धार गर्न सफल भएको क्षणलाई पनि सांसद न्यौपानेले आफ्नो जीवनको अत्यन्त भावुक र अविस्मरणीय पलका रूपमा उल्लेख गरेका छन्।
विपद्को कठिन घडीमा एकातिर असहज परिस्थितिसँग जुध्दै उद्धारमा खटिनुपरेको र अर्कोतर्फ दुई जनाको जीवन बचाउन सफल भएको अनुभवले त्रिशूली–३ ‘ए’ को त्यो पहिलो साँझ सधैंका लागि आफ्नो स्मृतिमा रहने सांसद न्यौपानेले बताएका छन्।
