निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
तनहुँ : म्याग्दे दमौली सम्पर्क समाजका पदाधिकारीले जीप दुर्घटनामा परी ज्यान गुमाएकाको परिवार र घाइतेसँग भेटघाट गरेको छ । ऋषिङ गाउँपालिका–१, देउलीखोलामा गत सोमबार भएको जीप दुर्घटनामा ज्यान गुमाएका जीप चालक म्याग्दे गाउँपालिका–७ निवासी होमवहादुर श्रेष्ठ र व्यास नगरपालिका–५ का राजकुमार श्रेष्ठको परिवारलाई शनिबार भेटी समाजले समवेदना व्यक्त गरेको छ ।
म्याग्दे गाउँपालिका पुख्र्यौली घर भई हाल दमौली बस्ने व्यक्तिहरुको परिवारमा पर्ने दुःख समस्यामा पर्ने परिवारलाई सहयोग गर्ने उद्देश्य स्वरुप समाज गठन भएको थियो । समाजले आपतविपत, दुर्घटना, प्राकृतिक विपत्तिमा परेकालाई सहयोग गर्ने अध्यक्ष भाग्यशाली ढुङ्गानाले बताउनुभयो ।
ढुङ्गानाको नेतृत्वमा गएको टोलीले जीप दुर्घटनामा घाइते भएकोहरुलाई भेट गरि शीघ्र स्वास्थ्य लाभको कामना समेत गरेको छ । परिवारको आर्थिक अवस्था हेरी विपन्न परिवारलाई सक्दो आर्थिक सहयोग गर्ने समाजका उपाध्यक्ष मनिराज थापाले बताउनुभयो ।
