निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
चितवन : नेपाली कांग्रेसका वरिष्ठ नेता रामचन्द्र पौडेलले पार्टी सभापति शेरबहादुर देउवाको भूमिका ‘मोही माग्ने ढुंग्रो लुकाउने’ खालको भएको भन्दै आलोचना गर्नुभएकाे छ । देशभरका ७५३ वटै स्थानीय तहमा विरोध प्रदर्शनका क्रममा चितवनको भरपुरमा आयोजित सभालाई सम्बोधन गर्दै वरिष्ठ नेता पौडेललले केपी ओलीले अदालतलाई धम्क्याउँदा कांग्रेस सभापतिले भने अदालतमा विचाराधीन मुद्दामा बोल्न हुँदैन भनेर डराइरहेको आरोप लगाउनुभयाे ।
पौडेलले भन्नुभयाे– ओलीले अदालतलाई धम्क्याउँने, अनि हामी चाहिँ बोल्नु हुँदैन भनेर डराएर बस्ने ? यो के तरिका हो ? के को चुनाव चुनाव ? असंवैधानिक कदम पनि भन्ने अनि चुनाव पनि भन्ने ? यसरी के हुन्छ ? प्रतिनिसभा पुनःस्थापनाको कुनै विकल्प छैन । मोही माग्ने ढुंग्रो लुकाउने तरिका ठीक भएन ।
पौडेलले सर्वोच्च अदालतको भूमिकामाथि समेत प्रश्न उठेको भन्दै उहाँले प्रधानन्यायाधीश र न्यायाधीशहरुलाई संविधान पढ्न आग्रह गर्नुभयाे ।
