निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
दमौली : दमौली खानेपानी तथा सरसफाई उपभोक्ता संस्थाको अध्यक्षका लागि वृषराज श्रेष्ठ र रामचन्द्र सापकोटाले उम्मेदवारी दर्ता गर्नुभएको छ। शनिबार हुने मतदानका लागि अध्यक्ष पदमा श्रेष्ठ र सापकोटाले उम्मेदवारी दर्ता गराउनुभएको हो ।
नेपाली काङ्ग्रेस निकट धेरै आकाङ्क्षी भएपनि अन्तिम समयमा आएर वृषराजको पक्षमा सहमति जुटेको थियो । यता नेकपा माओवादी केन्द्रका नेता सापकोटाले अन्तिम समयमा उम्मेदवारी दर्ता गराउनुभएको थियो।
खुल्ला सदस्यमा २१ र महिला सदस्यमा ९ जनाको उम्मेदवारी परेको छ । खुल्लामा ७ र महिलामा ४ जना सदस्य निर्वाचित हुनेछन् । निर्वाचित सदस्यमध्येबाट उपाध्यक्ष, सचिव र कोषाध्यक्ष मनोनित हुने प्रावधान छ ।
निर्वाचन कार्यतालिका बमोजिम शनिबार नै उम्मेदवारी फिर्ताको कार्यक्रम रहेको छ । व्यास नगरपालिका-२,३ र ४ मा ३५०० भन्दा बढी उपभोक्ता रहेका छन् ।
