निष्पक्ष र विश्वसनीय खबरको सँगालो 
Khabar Punja
७ पुष २०८१, सोमबार
दमौली : व्यास नगरपालिकाले कृषि विकास बैङ्कको पुरानो भवनमा सञ्चालन गरेको आइसोलेशन केन्द्रबाट ८३ कोरोना सङ्क्रमितको सफल उपचार गरेको छ । कोभिड-१९ न्यूनीकरणका लागि नगरपालिकाद्वारा सञ्चालित सामुदायिक आइसोलेशनबाट ८३ जना सङ्क्रमित निको भएर घर फर्किएका हुन् ।
नगरपालिकाले उक्त भवनमा अक्सिजन सहितको आइसोलेशन सञ्चालन गरेको थियो । नगरपालिका स्वास्थ्य शाखाकी जनस्वास्थ्य निरीक्षक लक्ष्मी गुरुङका अनुसार नगरपालिकाभित्र ८ सय ७० जना सङ्क्रमित भएकामा ७ सय ७२ जना सङ्क्रमितले कोरोना जितिसकेका छन् ।
हालसम्म पालिकाभित्रका २३ जनाको कोरोनाबाट मृत्यु भएको छ भने ७५ जना सक्रिय सङ्क्रमित छन् ।
