Khabar Punja

आँबुखैरेनी : पृथ्वीराजमार्ग अन्तर्गत तनहुँको आँबुखैरेनी सडकखण्ड आज बिहानदेखि एकतर्फी भएको छ । आँबुखैरेनी गाउँपालिका–४ पावरहाउस नजिक सडक भासिएपछि उक्त खण्ड एकतर्फी सञ्चालन भएको हो ।

सडकको तल्लो भाग पानीको भेलले काटी सडक भासिएपछि राजमार्ग एकतर्फी सञ्चालन भएको प्रहरी नायब उपरिक्षक युवराज तिमिल्सिनाले जानकारी दिनुभयो । “शुक्रबार उक्त ठाउँमा केही भाग भत्किएको थियो, आज पुनः सोही स्थानमा थप सडक भासिएको छ,” तिमिल्सिनाले भन्नुभयो, “सडक भासिएपछि यो खण्ड एकतर्फी छ ।” सवारी चापलाई मध्यनजर गरी संयमतापूर्वक सवारी चलाउन आग्रह गरिएको छ ।