Khabar Punja

तनहुँ : तनहुँको म्याग्दे गाउँपालिकाका थर्पु लगायतका स्थानमा आज पॉच घण्टा विद्युत अवरुद्ध हुने भएको छ । मर्मतका लागि विद्युत प्राधिकरण तनहुँ वितरण केन्द्रले थर्पु फिडर अन्तरगतका धयरे, थर्पु, पिपलटार र तुरतुरेमा आज बिहान ११ बजेदेखि ४ बजेसम्म विद्युत अवरुद्ध हुने भएको हो ।

थर्पु फिडरबाट वितरित विद्युतमा समस्या आएकाले डिस्क, पिन फेर्न लागिएको केन्द्रले जनाएको छ । तोकिएको समय अगावै मर्मत सकिए विद्युत सुचारु हुने बताइएको छ ।

म्याग्देका विभिन्न स्थानमा अनियमित विद्युत कटौतीले सर्वसाधारण हैरान छन् । केही दिन अघि विद्युत प्राधिकरण घेराउ गर्दै उनीहरुले विद्युत समस्या समाधान गर्न माग गरेका थिए ।