Khabar Punja

दमाैली : रोटर्याक्ट क्लव अफ दमौलीको आयोजनामा व्यास नगरपालिकाभित्र रहेका अन्तर्राष्ट्रिय युवा क्लवहरुबीच मैत्रीपूर्ण फुटबल प्रतियोगिता शुक्रबार सम्पन्न भएको छ । प्रतियोगितामा आयोजक रोटर्याक्ट क्लव अफ दमौली, जेसीआई व्यासनगर, लियो क्लव अफ तनहुँ र एलायन्स क्लव अफ तनहुँको सहभागिता थियो ।

प्रतियोगितामा लियो क्लव अफ तनहुँ विजेता हुन सफल भएको छ । फाइनलमा आयोजकलाई पराजित गर्दै लियो क्लवले प्रतियोगिताको उपाधि जितेको हो । निर्धारित समयमा दुवै समूह बराबरीमा रहेपछि रेफ्री र दुवै टिमको सहमति अनुसार टस गरिएको थियो ।

कार्यक्रमका प्रमुख अतिथि प्रहरी उपरिक्षक दिनेशराज मैनालीले रोट¥याक्ट क्लवले युवाहरुलाई एककिृत गरेर भाइचारा र सामाजिक सद्भाव बढाउने कार्य गरेकामा सराहना व्यक्त गरे । मैनालीले युवाहरुसँग समन्वय गरेर समाजमा शान्ति सुरक्षा कायम गर्न प्रहरी प्रतिबद्ध रहेको बताए ।

प्रहरी नायब उपरिक्षक युवराज तिमिल्सिनाले युवाहरुको एकता र भातृत्वले समुदायमा सकारात्मक भूमिका खेल्ने बताए । रोट¥याक्ट क्लवका अध्यक्ष सुशान्त अधिकारीले युवाहरुबीच सद्भाव र भातृत्व विकासका लागि प्रतियोगिता आयोजना गरिएको बताए ।