निष्पक्ष र विश्वसनीय खबरको सँगालो 
Khabar Punja
७ पुष २०८१, सोमबार
दुलेगौँडा : नेकपा एमाले ऋषिङ गाउँ कमिटीको अध्यक्षमा गञ्जसिंह गुरुङ सर्वसम्मत भएका छन् । बिहीबार भएको गाउँ अधिवेशनले गुरुङलाई सर्वसम्मत अध्यक्ष चयन गरेको हो । उनी यसअगाडी पनि गाउँ कमिटी अध्यक्ष थिए ।
उपाध्यक्षमा हरिसिंह थापा, सचिवमा कविराज श्रेष्ठ, उपसचिवमा भुवनबहादुर राना र पुननारायण विक सर्वसम्मत भएको छ । गाउँ कमिटी ५३ सदस्यीय बनेको छ । यो सँगै तनहुँका सात स्थानीय तहमा नेकपा एमालेको गाउँ तथा नगर अधिवेशन सम्पन्न भएको छ ।
मंगलबार व्यास नगरपालिका, शुक्लागण्डकी नगरपालिका, भानु नगरपालिका, आँबुखैरेनी गाउँपालिका र बन्दीपुर गाउँपालिकामा सर्वसम्मत सम्पन्न भएको थियो । मंगलबार सुरु भएको अधिवेशन भिमादमा बुधबार सकिएको हो ।
व्यासमा विरेन्द्र अधिकारी, शुक्लागण्डकीमा मुक्तिनाथ तिम्लिसिना, भानुमा प्रेमकुमार राना, बन्दीपुरमा सुरेन्द्र थापा, आँबुखैरेनीमा मिना थापा गाउँ तथा नगर कमिटिको अध्यक्ष बनेका हुन् । अब जिल्ला तीन गाउँपालिकामा गाउँ अधिवेशन बाँकी छ ।
घिरिङ गाउँपालिकाको अधिवेशन मंगलबार सुरु भएर १५ कात्तिकसम्मलाई स्थगीत भएको हो । देवघाट गाउँपालिकाको १४ कात्तिक र म्याग्दे गाउँपालिकाको १५ कात्तिकमा अधिवेशन सुरु हुनेछ ।
