निष्पक्ष र विश्वसनीय खबरको सँगालो 
Khabar Punja
२७ पुष २०८१, आईतवार
स्याङ्जा : स्याङ्जामा ट्याक्टर दुर्घटना हुँदा एक जनाको मृत्यु भएको छ । अर्का एक घाइते छन् । आँधीखोला गाउँपालिका-५ एकराय स्थित भित्री सडकखण्डमा रङ्गेठाँटीबाट गएको ग१त ६४४० नम्बरको ट्याक्टर दुर्घटनामा परेको हो ।
दुर्घटनामा तनहुँको भानु नगरपलिका-५ का ३८ वर्षीय चालक सन्तोष गुरुङको मृत्यु भएको प्रहरीले जनाएको छ । ट्याक्टरको बायाँ साइडको ठूलो टायरले च्याप्दा उनको घटनास्थल मृत्यु भएको हो । सोही ठाउँका ३४ वर्षीय सहचालक रेशम गुरुङ घाइते भएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक राजेन्द्रप्रसाद अधिकारीले जानकारी दिए ।
घाइते भएका सहचालकको जिल्ला अस्पताल स्याङ्जामा प्राथमिक उपचार गरी पोखराको मणिपाल अस्पतालमा थप उपचारका लागि पठाइएकोमा अहिले स्वास्थ्यमा सुधार आएको डिएसपी अधिकारीले बताए । आइतबार राति अन्दाजी साढे दश बजेको समयमा दुर्घटना भएको जिल्ला प्रहरी कार्यालय स्याङ्जाले जनाएको छ ।
