निष्पक्ष र विश्वसनीय खबरको सँगालो 
Khabar Punja
१ माघ २०८१, बुधबार
दमाैली : नेपाली काङ्ग्रेस तनहुँको पदाधिकारीमा एक सहसचिव बाहेक सबै पदमा जितप्रकाश आले प्यानल विजयी भएको छ । नेपाली काङ्ग्रेसका वरिष्ठ नेता रामचन्द्र पौडेलको गृहजिल्ला तनहुँमा भएको निर्वाचनमा उनी निकटका वैकुण्ठ न्यौपानेको प्यानल पराजित भएको छ ।
आलेलाई नेपाली काङ्ग्रेसका केन्द्रीय सदस्य शङ्कर भण्डारी, गोविन्द भट्टराई, आमन्त्रित केन्द्रीय सदस्य धु्रव वाग्लेको समर्थन थियो । न्यौपानेलाई भने केन्द्रीय सदस्य प्रदीप पौडेलको समर्थन थियो ।
उपसभापतिमा आले प्यानलका राजेन्द्रकृष्ण श्रेष्ठ र देवकुमार श्रेष्ठ निर्वाचित भएका छन् । सचिवमा आले प्यानलकै लक्ष्मीभक्त खनाल र सहदेव अधिकारी निर्वाचित भएका छन् । सहसचिवमा आले प्यानलका परमेश्वर भट्टराई निर्वाचित भए भने अर्को सहसचिवमा न्यौपाने प्यानलका मिलन आले निर्वाचित भए ।
